Colunga acueye una esposición sobre'l Teatru n'Asturies

"La Casa de Cultura del conceyu de Colunga espón, a partir del martes 18 de marzu y hasta'l 27 d'esi mesmu mes, una amuesa sobre'l ""Teatru n'Asturies durante la II República y la Guerra Civil"".

L'amuesa ellaboróse nel añu 2006, nel marcu de los actos n'alcordanza del 75 aniversariu de la proclamación de la II República y del 70 aniversariu del entamu de la Guerra Civil. La esposición ta patrocinada pola Conseyería de Cultura y Turismu del Principáu d'Asturies, y colgóse per primer vez el 27 de marzu del 2007 na Sala d'Esposiciones de la Biblioteca d'Asturies n'Uviéu, coincidiendo col Día Mundial del Teatru.

Los títulos de los conteníos de la esposición faen referencia al Sieglu XX y la renovación teatral del ideariu republicanu:

""Cipriano Rivas Cherif, renovador de la escena española""
""La República y el fomento teatral""
""La gira asturiana de La Barraca""
""La gira asturiana de la Compañía de Teatro Proletario""
""El Ateneo Obrero de Gijón: fomento y renovación""
""La Guerra Civil y el Consejo de Espectáculos Públicos""
""El Homenaje a Federico García Lorca""
""La Compañía de Comedias 'Asturias' de Felipe Villa""
""La Consejería de Propaganda y el teatro""
""La Agrupación 'Jovellanos' de Jacinto Guerra y los grupos amateurs""
""La Compañía Asturiana de Comedias de José Manuel Rodríguez""
""Las compañías no asturianas""
""La crítica del momento""."