Blair ufiertó entrevistase col IRA

cuerpo "L'ex primer ministru británicu Tony Blair ufiertó entrevistase en secreto colos dirixentes del Exércitu Republicanu Irlandés (IRA), col oxetivu de ""salvar el procesu de paz n'Irlanda del Norte"" énte les diferencies pola cuestión del desarme, según aseguró esti llunes Jonathan Powell, antiguu ayudante del ex 'primer', al diariu 'The Guardian'.

Según Powell, Blair ufiertó entrevistase colos ocho miembros del Conseyu Militar del IRA pa convencelos de que se desarmaren y roblaren l'alcuerdu de paz. Blair taba dispuestu a ser el primer dirixente d'un país importante n'entrevistase con una organización terrorista.

""Tony siempre taba confiáu nos poderes de persuasión que tenía pa ganase a la xente. Unes trés o cuatro veces propunxo que Gerry Adams (cabezaleru del Sinn Fein, brazu políticu del IRA) aconceyase col Conseyu Militar.

Del mesmu mou, nel llibru tituláu 'Gran odiu, pequeñu espaciu: facer la paz n'Irlanda del Norte', Powel revela que Blair fizo un tratu secretu con Adams demientres los alcuerdos de Vienres Santu en 1998 pa lliberar presos del IRA un añu dempués, anque realmente la lliberación viera la lluz nos medios de prensa dos años dempués.

L'ex ayudante aseguró que tamién tuvo alcuentros secretos con Adams y col 'númberu dos' del Sinn Fein, Martin McGuinnes, y ellaboró él mesmu borradores de declaraciones del partíu republicanu. Tanto Adams como McGuinness, indicaron a Powel y Blair en delles ocasiones que l'IRA tenía que conservar les sos armes porque taben amenazaos pol IRA Auténticu, estaya dixebrada y autora ente otros del atentáu d'Omagh.

""Falamos coles persones que teníen influencia sobre los que teníen les armes. Si yeren o non miembros del Conseyu Militar, nun toi en posición de demostralo d'ún u otru mou"", esplicó Powell al 'Guardian'. Powell, que foi xefe de gabinete de Blair dende 1995 hasta qu'ésti abandonó Downing Street en xunu pasáu, considera que Blair fizo lo correcto al facer dalgunes concesiones al Sinn Fein. ""Camentamos que d'otra manera lo más seguro ye que l'IRA volviera a la violencia"", argumentó. Amás, según Powell, el dirixente del IRA que decidió que'l grupu terrorista debía desarmase foi Brian Keenan, consideráu por él como""la mayor amenaza individual pal Estáu británicu""."