Celébrase un festival de rock en Candás

Rebolleres Rock ye'l nome del festival que se va celebrar esti
vienres 9 na capital del conceyu de Carreño.



El conciertu va ser na Casa del Pueblu de la CNT en Candás, y van
xuntase trés grupos asturianos bien conocíos na escena del rock
astur. Asina dende les 22:00 hores va tocar Skontra, grupu xixonés que
tien varios temes en dalgunos compilatorios, y que yá prepara'l so
primer discu en solitariu. Darréu de que toquen los de Xixón,
l'escenariu va ser pa La Tarrancha col so ska y reagge pa lletres
revindicatives n'asturianu. P'acabar la nueche un grupu local, Skama la Rede,
colos temes del so primer discu La Nuesa Hestoria. La entrada al conciertu val
namás que trés euros, y va haber autobuses en Candás y
Xixón dende les 00:40 hores cada hora hasta les 6:40.