Cádaba toquen en DoySidemol

Esta nun ye una definición musical, sinón que
DoySidemol ye'l títulu del primer discu d'esta banda de folk asturianu.




El grupu tien el so ñeru na asociación Arcángel San
Miguel d'A Caridá, nel conceyu d'El Franco. Tres de varios
años de tocar xuntos, ensayar y prebase n'escenariu en dalguna nueche
folk, Cádaba decidieron que yá yera tiempu de sacar discu y
yá lu tenemos equí. El grupu iguó un discu con doce
cantares, los más d'ellos composiciones que según en que
cantares, albidramos influencia del folk gallego, y non nel folk
irlandés o escocés que ye opción escoyida por otres
bandes. Amás el soníu de Cádaba suena a daqué
distintu porque la mezcolanza de la gran cantidá d'instrumentos que
suene permite buscar combinaciones bien diferente, colo que tamién
tenemos soníos diferentes. Ello ye que na banda son nueve componentes, y
eso notase nel discu y nos ablucantes directos.



El discu espublizalu la propia asociación Arcángel San Miguel,
y grabólu y prodúxolu Roberto Sala que ye tamién
compositor de muncho del los temes del discu. Pa sentir los cantares d'esti
discu queremos avisar a los nuesos llectores de que d'equí a la vuelta
de pocos díes n'Asturies.com Radio van sonar los cantares de
Cádaba.