Entama'l procesu d'ellaboración del nuevu Estatutu

"La ponencia estatutaria de la Xunta Xeneral del Principáu, encargada de facer la reforma del Estatutu d'Asturies, va aconceyar esti llunes a les 10.00 hores pa recibir l'informe xeneral sobre la reforma ellaboráu pol Lletráu Mayor del Parlamentu Asturianu, Alberto Arce.

L'informe, que val de base pa la negociación de la reforma, recueye los conteníos de los nuevos estatutos d'autonomía de les diferentes comunidaes, les propuestes d'igua del estatutu asturianu feches pol Conseyu Consultivu y polos espertos y les observaciones de técnica llexislativa.

La ponencia encargada de la ellaboración del testu ta formada por trés representantes de caún de los grupos parlamentarios. Javier Fenández, Fernando Lastra y Elena Díaz pol PSOE, Ovidio Sánchez, Joaquín Aréstegui y Reinerio Álvarez, pol PP; y Jesús Iglesias, Noemí Martín y Javier García Valledor, por IX."