Adena repuebla la biesca de los Picos d'Europa

Voluntarios de la organización plantaron más de 1.400 árboles nos Picos d'Europa

L'acción, que se desarrolló esti mes, enxértase nel programa "plántate" que repartió más de 7.000 árboles pelos Parques Nacionales d'España.


La organización World Wildlife Found - Adena desarrolla esta campaña na que se semaron cerca de 5.000 abellotes y na que se pañó y semó simiente de 26 especies distintes dientro del programa "Plántate" que vien faciéndose dende l'añu 2000 y que pretende conservar y recuperar ecosistemes forestales degradaos y especies amenazaes dientro de los parques naturales del estáu. No tocante a la campaña en Picos, 84 voluntarios d'Asturies y Cantabria punxeron 1.425 exemplares de faya y de carbayu en Parque Nacional de los Picos d'Europa, nel qu'amás recoyeron muestres de material xenético d'especies como'l sabugu el fresnu o l'ablanu ente otres, y ello ye que l'oxetivu de la campaña ye'l de contribuyir, cola ayuda de voluntarios, a la restauración d'ecosistemes forestales dañaos y a la recuperación d'especies forestales amenazaes nos Parques Nacionales, trabayando los voluntarios toles fases del procesu forestal, dende pañar les semilles, criar les plantes en viveros y, a la fin treslladales al so mediu natural.