L'ADBA perdió escontra un rival direutu na llucha pol ascensu

"L'ADBA perdió en Madrid escontra l'Estudiantes pol resultáu de 73 a 69, nun partíu nel que s'enfrentaben dos equipos que tán lluchando pon entrar na clasificación pa les eliminatories pol ascensu.

La derrota alloña a les avilesines al sestu puestu, coles mesmes victories que'l Canoe, que ye sestu, y pendientes de lo que pase col partíu que nun se xugó poles enfermedaes y mancadures escontra'l Bembibre. El fechu positivu del alcuentru ye que les asturianes salvaron el ""basket average"", pues n'Avilés ganaran por 81 a 74.

El partíu entamó con dellos pilancos, como que namás entamar marchara la lluz y tuviera paráu durante media hora y per otru llau l'estáu del campu nun yera'l meyor pa xugar l'alcuentru. Les avilesines tuvieron igualaes nel primer cuartu, pero nel segundu les madrilanes frayaron l'alcuentru y teníen al descansu una ventaya de trelce puntos, 42 a 29. Nun se dieron les asturianes y nel tercer cuartu averáronse y tuvieron delantre nel marcador. Nel últimu cuartu les coses tuvieron igualaes y llegóse a un final mui apretáu. El llabor de los árbitros nesti caberu cuartu nun foi favoratible pa l'ADBA.

La xugadora más destacada nes avilesines foi Zora Skrabalova con dobles figures -12 puntos y 12 rebotes-.

Ficha técnica:

USP-CEU MMT Estudiantes:
Auri Bokesa (6), Erika Gómez (10),María Vilouta (14), Sandra Ygueravide (15) y Charity Egenti (14).
Tamién xugaron: Mariana González , Laura Herrera (5), Sara Vita (5) ya Irene Castrejón (4).

ADBA:
Verónica Alonso (3), Paula Ballvé (9), Anna Boleda (20), Zora Skrabalova (12) y Jerica Watson (12).
Tamién xugaron: Orinta Kavaliauskaite, Esther Mesa, Carla González (4), Iratxe Cabrera, Jana Stantienova y Debora Abreu (9).

Árbitrios: José María Valle y Santiago Fajardo.

Partíu de la ventésima primera xornada de la Lliga Femenina 2 Grupu A, xugáu na Nevera del Colegio Ramiro de Maeztu de Madrid.

Parciales per cuartos: 20-19, 22-10, 15-23 y 16-17.
"