Anabel Santiago, de Baiña a Getxo

L'espectáculu de la cantante de tonada y l'Asturiana Mining Company va ser una de les actuaciones destacaes nel Festival + o - celta de Baiña. Anabel y la banda de Michael Lee Wolfe van tener ocasión de repetir actuación nel Festival de folk de Getxo

La cantante de tonada asturiana Anabel Santiago va actuar mañana vienres nel sestu Festival de Música "+ ó - Celta" de Baíña, en Mieres. Anabel, referencia indispensable ente les xeneraciones más moces de la tonada asturiana de los últimos años, ganando bien de festivales y consiguiendo munchu prestixu énte la crítica cola apaición de "Al son de la Lluna" discu en que prebó cola apertura de la tonada a distintes tendencies musicales. La cantante casina va presentase nel escenariu de Baiña acompañada pola Asturiana Mining Company, la banda folk de Michael Lee Wolfe qu'entemez la música asturiana col blues, el folk americano, y otros palos de lo que se conoz por "World music".

Dempués de la so actuación en Baiña, onde comparte cartel con La Bandina y La Coll.a Propinde, Anabel Santiago tien una cita col públicu vascu'l xueves 1 de setiembre, fecha en que la cantante asturiana va ser una de les artistes convidaes nel Festival Internacional de Folk de Getxo, ún de los más prestixosos del calendariu y nel qu'Anabel comparte cartel con estrelles internacionales como Boban Markovic, Sharon Shannon, Oskorri o'l "Rei del Banghra" l'indiu Malkit Singh. La representación asturiana nesti festival va contar tamién cola participación del proyectu de folk lletrónico "Xera".