Rede Eléctrica nun quier facer cambeos en Lada – Velilla

La compañía Rede Eléctrica Española, promotora de la polémica llinia d'Alta Tensión ente Asturies y Palencia, refugó cualquier posibilidá de tirar el trazáu d'alta tensión baxo tierra como pidíen dellos conceyos afectaos en cuantes qu'ello diba suponer un sobrecoste que multiplicaría por quince'l preciu de la infraestructura, presupuestada en 70 millones d'euros, y qu'incluso podría xenerar campos electromagnéticos mayores que los de la llinia actual, que, con too y con ello, nun perpasen los topes de lo que s'encamienta dende instituciones internacionales en materia de contaminación electromagnético, según la empresa. Los responsables de REE, que tampoco se plantega mover un milímetru la llinia d'au ta prevista, almitieron a los medios de comunicación que los llabores previos pa entamar el tendíu n'Ayer yá tan entamando.