El PSOE d'Uviéu quier nomar a Ángel González "Hijo Predilecto"

"El grupu socialista nel Ayuntamientu d'Uviéu presentó'l vienres un escritu nel que-y pide al Ayuntamientu entamar colos trámites que faigan falta pa nomar al poeta Ángel González ""Hijo predilecto de Oviedo"" a títulu póstumu.

Ángel González Muñiz nació n'Uviéu el 6 de setiembre de 1925 y el so primer poemariu, ""Áspero Mundo"", foi asoleyáu en 1955. Dende entós, dicen los socialistes, ""y hasta'l día nel que morrió, la so obra poética nun dexó de medrar y d'atopar reconocimientos nel mundu de la cultura"". Al empar, el PSOE recordó qu'ente los premios algamaos pol escritor asturianu tán el Príncipe d'Asturies de les Lletres, polo que consideren que ""Uviéu ye Ángel González y muncha de la xente qu'equí vive quixera espresar, anque fora d'un mou simbólicu, la querencia y almiración que-y teníen""."