El Día d’Asturies nel esterior va celebrase n’Arxentina

La figura del desapaecíu Manolo del Campo va centrar los actos de la xornada que va celebrase en Bonos Aires el 11 de setiembre

La celebración del día d'Asturies nel Esterior, que cada añu organiza l'Axencia d'Emigración, cruza anguaño'l charcu p'allegase a la comunidá asturiana na capital arxentina. Bonos Aires, onde s'asitia la comunidá asturiana nel estyerior más numberosa y tamién la más necesitada, tanto pola media d'edá tan avanzada que presenta como poles condiciones económiques peles que pasa'l país tres de la crisis del 2001.

Los pormenores de los actos a celebrar esi día decidiéronse nuna entrevista que tuvieron ayeri'l director d'Emigración Luis Miguel Fernández Romero y el Conseyeru d'Esteriores Valledor col nuevu presidente del centru asturianu de Bonos Aires José Antonio Nespral. Según se comentó, los actos del 11 de setiembre arxentinu -la fecha faise coincidir col primer domingu dempués de la fiesta asturiana del 8 de setiembre- van centrase nuna gran fabada d'hermanamientu y celebraciones musicales nes que la figura de Manolo del Campo, fundador del grupu folclóricu "Pelayo" y del que se cumple agora'l cabudañu de la so desapaición, va tener un protagonismu especial.