Siguen les protestes de los monxos tibetanos

"Les protestes tibetanes escontra China en Lhasa puen pasar de les manifestaciones pacífiques a la violencia, según informa güei l'axencia oficial Xinhua, que señala que dellos establecimientos fueron quemaos na tarde del vienres. Dende'l puntu de vista de l'axencia, les tiendes ""foron quemaes nun actu de violencia nel centru de Lhasa, nel mediudía del vienres"". L'axencia, que cita a testigos non identificaos como fonte, nun especifica si les tiendes que prendieron son propiedá de chinos.

Abondos monxos tibetanos vienen manifestándose dende'l llunes na capital del Tibet en protesta pol duru control que caltién Beijing sobre esti territoriu. Ayeri, la emisora Radio ""Free Asia"" informó de que dos monxes tán n'estáu críticu dempués de tentar suicidase cortándose les venes nel trescursu les protestes.

Pela so parte'l Dalai Lama, fizo un llamáu a les autoridaes chines pa que dexen d'usar la ""fuerza bruta"" escontra los monxos tibetanos y les persones que tán manifestándose en Lhasa escontra'l control de Beijing sobre'l Tibet. ""Les protestes manifiesten el resentimientu del pueblu tibetanu pa col gobiernu chinu"", afirmó, ""poro, convido a les autoridaes a dexar d'usar la fuerza y encaren el conflictu dende'l diálogu""."