Un conveniu afala la collaboración ente grupos folclóricos d'Asturies y de la emigración

El conseyeru d'Esteriores del Principáu Javier García Valledor y el presidente de la Federación d'Agrupaciones de Folklore Asturianu (FAFA) Ángel Herrera firmaron güei un conveniu pal fomentu de la música y el baille tradicionales ente la comunidá asturiana na emigración. El conveniu acabante firmase pretende abrir un camín de collaboración y trabayu en comúnente ente les agrupaciones musicales folclóriques y d'estudiu de la tradición musical asturiana de l'Asturies interior y les de l'Asturies esterior.

El Conveniu cola FAFA enxértase dientro de la política de la Conseyería d'Esteriores qu'ellabora programes d'espardimientu y fomentu de la cultura asturiana na emigración acordies colos mandaos del Plan Xeneral d'Emigración.

Ángel Herrera, miembru del Grupu folclóricu "El Cabazo" d'A Caridá (Conceyu d'El Franco) ye'l presidente d'esta federación qu'axunta a cerca de venti grupos folclóricos espardíos per tola xeografía asturiana.