Cinco banderes prietes pa la costa d’Asturies

La organización ecoloxistes n'Acción ta acabante de presentar l'informe "Banderes negres" 2005 sobre contaminación de la costa.

Asturies lleva cinco de les banderes prietes qu'entrega tolos años Ecoloxistes n'Acción y qu'anguaño van pa la Ría de Avilés, polos vertíos d'Aceralia que pasen de les 150 tonelaes de Cianuru, amás de concentraciones mui altes de Cadmiu (200 Kg), Níquel (400 Kg) Fluoruros (54 tonelaes), Hidrocarburos aromáticos (2 tonelaes) y Fósforu (14 tonelaes). La Ría d'Avilés, por too ello, ye con muncho'l puntu más escuru qu'atopa la organización na costa asturiana, pero la costa de Xixón tampoco nun sal con bien del repasu. En primer llugar apaez la Ría d'Aboño, que sufre'l calecimientu del agua por culpa de lo que suelta la central térmica. Ello lleva a una perda de concentración d'osíxeno disuelto nel agua y mengua polo tanto la biomasa de les agües afectaes, pero ello ye que en doblando la Campa Torres, el Puertu d'El Musel merez otra bandera negra por presentar valores altísimos de concentración de mercuriu, cobre, cadmiu y plombu na basa del pueru, como certifiquen informes independientes como los de la OSPAR.

La Playa d'Arnao, pola contaminación por plombu que-y vien d'un campu de tiru que tien na redolada y la Ría de Navia, pola contaminación que-y vien de la fábrica de Reny Picot apaecen tamién puntuaes con bandera prieta nel informe, que pue descargase equí.