La plataforma contra la Mina de Salave denuncia la pasividá del Ayuntamientu

La Plataforma Ciudadana "ORO NO" na que s'enxerten organizaciones de vecinos, grupos ecoloxistes y otres entidaes culturales y asociatives del occidente asturianu, presentó ayeri un escritu en rexistru del Conceyu de Tapia pidiéndo-y a la corporación que mande parar los llabores de sondéu que la empresa minera Río Narcea Gold Mines sigue faciendo nel llugar d'Os Llagos de Silva.

La Plataforma diz qu'hasta agora la Corporación Municipal namás fexo otro que declaraciones públiques contraries a l'apertura d'una mina n'abertal por parte de la empresa Río Narcea Gold Mines, celebrando pa ello un Plenu a costafecha, que tuvo llugar va agora más d'un mes. En cuenta de facese efectiva esta declaración d'intenciones contra un proyectu que prevé afuracar un cráter de más de 400 metros de diámetru a poco más de 100 metros de la costa, l'a plataforma denuncia la pasividá del conceyu énte les obres que sigue faciendo la empresa qu'incluyen cortes d'árboles, apertura de pistes y otros. D'otra manera, la plataforma pide tamién que'l conceyu aproveche la reforma que ta faciéndose del Plan d'Ordenación de los Recursos Naturales (PORNA) pa pidir un mayor índiz de protección contra actividaes como les que se pretende llevar alantre.