El CCAI de Xixón acueye una nueva esposición de Lliteratura Infantil

"El conceyal d'Educación y Cultura del Ayuntamientu de Xixón, Justo Vilabrille, inagura la esposición ""El gran libro de los retratos de animales"" que fai'l númberu 33 na serie d'esposiciones empobinaes al públicu más mozu que vien desarrollando y coordinando Paco Abril, director de programes de la Fundación Municipal de Cultura, Educación y Universidá Popular de Xixón.

Esta esposición, empobinada a les neñes y neños d'ocho a doce años, xunta perguapos retratos d'animales inspiraos en grandes obres de la pintura de delles dómines. L'amuesa quedará abierta al públicu nel Centru de Cultura Antiguu Institutu a partir de les 19.30 hores d'esti mesmu xueves.

L'autor de los dibuxos ye Svjetlan Junakovic, nacíu en Zagreb el 23 de xunu de 1961 y pintor y escultor conocíu a nivel mundial polos sos llibros y esposiciones."