Pola llibertá d'espresión na Rede

"El pasáu miércoles 12 de marzu celebróse'l primer Día Internacional pola Llibertá d'Espresión na Rede, una fecha empobinada dende ""Reporteros sin Fronteras"" pa denunciar l'encarcelamientu de 63 persones por facer usu d'esi drechu n'Internet. Pa denunciar la so situación, sofitar la so lliberación y facer por evitar que siga persiguiéndose la llibertá d'espresión, "" Reporteros sin Fronteras"" fai un llamáu a tolos internautes pa que se movilicen al traviés de la so páxina web, na operación ""24 hores escontra la censura"".

Durante 24 hores, dende'l miércoles 12 de marzu, a les 11.00 hores, hasta'l 13 de marzu, a la mesma hora, los internautes van poder xenerar un avatar, escoyer el mensaxe del so banner y tomar parte nuna de les ""cibermanifestaciones"" que van tener llugar en Myanmar, China, Corea del Norte, Cuba, Exiptu, Túnez, Turkmenistán y Vietnam.

Asina mesmo la organización tamién cuenta espublizar tanto una llista de los ""enemigos d'Internet"" como una nueva versión actualizada e la ""Guía del Ciberdisidente"""