Polémica pola venta d’Aceralia

Un informe del Tribunal de Cuentes diz que la l'estáu vendió empreses perbaxo del valor que marcaben tasaciones independientes. Aceralia ye una de les empreses que se tendríen malvendío, neto que la empresa d'Autocares ENATCAR, qu'acabó en manes de l'asturiana ALSA.

La noticia saltaba ayeri al conocese un informe del tribunal de Cuentes qu'acusaba al Gobiernu español de vender al traviés de la Sociedá Estatal de Participaciones Estatales (SEPI) delles empreses perbaxo del preciu que marcaben tasaciones independientes. Grupo Potasas, Barreras, Inima, Initec, Coosur o Conversión Aluminio son delles d'estes empreses, rescamplando ente elles la presencia de Corporación Siderúrxica Integral (antigua Ensidesa)

CSI vendiérase nel añu 1997 por 1.500 millones d'euros a la empresa de Luxemburgu Arbed, fusionándose dempués el conxuntu cola francesa Usinor-Sacilor pa crear el conglomeráu Arcelor. L'anuncia del Tribunal de Cuentes llevantó lescrítiques dende bien sectores sindicales y grupos políticos, rescamplando la condena de CCOO que diz que col tiempu demuéstrase "que s'engañó a a los asturianos cola privatización" de la empresa, una venta que merez el caificativu de "indignante" pa la central sindical. La FSA-PSOE tamién fizo declaraciones nes que diz que se demuestra que se marafundió patrimoniu públicu cola venta.

Ente les empreses que se malvendieron acordies col informe del TC ta tamién Enatcar, la empresa estatal de tresportes qu'acabó enxerta nel grupu ALSA. La operación supunxo un gran reblagu pa la empresa asturiana, que pasóa tener una posición de dominiu en mercáu español del tresporte per carretera. Alsa pasó a tener con ENATCAR namás un 6% del negociu, pero entró a controlar los corredores de tresporte más importantes.