La TPA suma 10.000 hores d'emisión

"La Televisión del Principáu d'Asturies, TPA, llegó esti miércoles a les 11.30 hores a les 10.000 hores d'emisión, contabilizando dientro d'elles les hores comprendíes ente les 8.00 de la mañana y les 0.00 de la nueche. Pa los responsables de la cadena, que produz el 73'14 por cientu de la so programación, la Televisión del Principáu rescampla pola so ""proximidá y cercanía a los acontecimientos d'interés pa los asturianos"".

Sicasí, los conteníos de la televisión pública d'Asturies, y sobre manera la llingua vehicular de los mesmos, nun escaparon de les crítiques de delles instituciones y colectivos.

Asina, la presidenta de l'Academia de la Llingua Asturiana, Ana Cano, declaraba nel mes d'avientu del añu pasáu tar descontenta pola presencia ""mui alloñada"" de los ""plantegamientos más moderaos que se fixeron nel so momentu"". Cano manifestaba que la televisión d'Asturies tenía de tener a lo menos un 50% de los sos conteníos n'asturianu, ensin discriminación de nengún tipu en ""temátiques y horarios"".

Anguaño de los 32 programes de producción propia que tien la cadena, cuntando ente ellos les ediciones d'informativos, programes d'entretenimientu, documentales ya infantiles, sólo cuatro d'ellos: ""pieces"", ""nós"", ""al aldu"" y ""camín de cantares"", usen la llingua asturiana dafechu como llingua de comunicación. Dicir amás que l'últimu d'ellos, ""camín de cantares"", algamaba'l pasáu mes de febreru un record d'audiencia dientro de la cadena."