Ovidio Sánchez siente'l refugue de De Lorenzo

"El presidente del PP d'Asturies, Ovidio Sánchez, que participó esti martes en Madrid nel Comité Executivu del PP, aseguró que ""siente'l refugue de Gabino de Lorenzo como diputáu"" y agradeció-y el ""gran trabayu desarrolláu a lo llargo tola campaña"". ""Deséo-y que siga trabayando como lo fizo hasta agora nel Conceyu d'Uviéu, atendiendo a los problemes de los ciudadanos, que son los que siempre lu apasionaron d'un mou más directu"", dixo Ovidio Sánchez en declaraciones a Europa Press.

No que cinca a la decisión adoptada pol presidente del PP, Mariano Rajoy, de convocar el congresu del partíu pal próximu mes de xunu y presentase a la reeleición, Sánchez aseguró que-y ""paez una bona decisión"". ""Tamos mui satisfechos d'esta midida porque camentamos que tresmite la seguridá y la seriedá d'un partíu que xubió en númberu de votos"", dixo Ovidio Sánchez, que reconoció'l trabayu de Rajoy.

D'otra miente, no relativo a la situación del Partíu Popular n'Asturies, Ovidio Sánchez indicó que ""igual que nel restu de les rexones, cuando diga la dirección nacional va celebrase'l Congresu""."