Asturies tuvo nel 2004 la mortalidá más alta del estáu

Los indicadores demográficos d'Asturies siguen presentando los númberos más negativos del Estáu y nun tienen traza d'ameyorar. La última anuncia negativa sobre esti particular diola ayeri l'Institutu Nacional d'Estadística, que dio a conocer ayeri les tases de crecimientu vexetativu d'España nel 2004. Esta tasa, que s'entesaca de la diferencia ente nacimientos y defunciones nun añu natural foi negativa p'Asturies nel 2004. Ello nun ye novedá, pero sí lo ye'l fechu de qu'Asturies tuvo nel 2004 la tasa de mortalidá más alta del Estáu al empar que la que tuvo la tasa de natalidá más baxa. Mientres que nel 2004 vinieron al mundu 7.320 asturianos, lo que fai una tasa na raya del 7 por mil, el númberu de fallecimientos asitióse nes 12.474 persones, o lo que ye lo mesmo, un 11,9 por mil. Ello dexa un crecimientu vexetativu de -5.154 persones, el terceru más negativu d'España sacantes les comunidaes autónomes de Galicia y Castiella - Lleón. Con too y con ello, la tasa de natalidá que se rexistró supón la más alta p'Asturies dende l'añu 1991.
Más información nel web del INE