Miguel Estrada presenta la so obra en Mieres

"El Centru Cultural Cajastur Jerónimo Ibrán de Mieres inagura una esposición de pintures del artista de Pravia Miguel Estrada. L'horariu d'esta primer parada de l'amuesa, de calter itinerante, ye de llunes a sábados de 18 a 21.30 hores y de 12 a 14.30 hores en domingos y festivos. Miguel Estrada xunta l'oleu col acrílicu y con toa triba de materiales, usando la crítica social como fondu moral nos sos cuadros.

Los esmolecimientos plásticos del pintor van poder visitase en Mieres hasta'l domingu 30 de marzu. Dempués la esposición viaxará a la Sala Alfonso VII y Muralla Romana de Xixón.

Miguel Estrada nació en Pravia en 1970, pero tuvo siempre venceyáu a la ciudá d'Avilés: allí estudió na Escuela d'Artes y Oficios, siendo'l responsable del Taller d'Artes Plástiques de l'Asociación de Persones con Discapacidá ""La Amistad"". En 1997 creó'l grupu de pintura ""Trazoss"" que, dempués d'una década cuenta con xente de Xixón, Avilés, Villalegre y Pravia y más de cien alumnos."