Fernando Alonso sal sestu pendiente de les cubiertes

La seguranza de les cubiertes Michelin ye la mayor dulda que se posa sobre los pronósticos pal Gran Premiu de los EEUU de fórmula 1 que se cuerre esta tarde nel míticu circuitu d'Indianápolis. Los peligrosos arreventones que sufrieron nos entrenos dellos coches que calcen estes ruedes faen duldar que les cubiertes franceses puean aguantar tola distancia del gran premiu. Dellos equipos que lleven Michelin, ente elles Renault, amenacen con nun salir a la carrera si nun se busca una igua, mientres qu'otres que lleven Michelin, casu de Mclaren Mercedes y toles que lleven Bridgestone, ente les que rescampla Ferrari, dicen que van salir de cualquier manera.

Cola carrera pendiente d'esta cuestión, la parriya de salida tien na pole position al Toyota de Jarno Trulli y na segunda plaza a Kimi Raikonen, el mayor enemigu de Fernando Alonso na llucha pol títulu mundial. L'asturianu tien la sesta plaza na formación de salida.