Na Zona, un grupu nuevu de folk presenta'l so discu

La bona salú de la música folk asturiana nun solo se
nota na bayura de discos qu'espublicen los grupos yá afitaos na escena
folk, tamién se nota, y tien que notase, na apaición de grupos
nuevos que quieren facer el so sitiu coles sos propuestes. Esti ye'l casu de Na
Zona, una banda nueva que va sacar d'equí a poco'l so primer discu.



Na Zona defínense a si mesmos primero de nada como una mezcolanza
de músicos y inquietues bien diferentes, que garren el folk como base o
sida pa tocar xuntos. Asina somos quién a aldidrar sones de jazz, rock o
hasta de música clásica nel folk que defende Na Zona. ¿A
qué suena entós?, Munchos grupos pregonen la so
pecurialidá musical, la so espeficidá estilística, y esto
considérenlu un oxetivu qu'hai qu'algamar como sía, pero munches
vegaes faese mui complicáu topar esa marca de la casa. Amás,
tener esa pecurialidá nun ye bono de por si, simplemente ye una forma
más arriesgada d'intentar llegar a un públicu. Nel casu de Na
Zona y en rellación col folk asturianu, podemos dicir ensin mieu
d'equivocanos que sí tienen un soníu daqué diferente. Por
buscar dalgún puntu de referencia de xemes en cuando notamos na so
música influyencies de los grupos de folk de la vecina galicia.



Anque Na Zona inda son unos desconocíos pa la mayoría de
los aficionaos al folk asturianu, el grupu lleva dalgo de tiempu tocando, y por
exemplu yá fueron finalistes de concursu xuvenil européu de
música tradicional Eurofolk 2004 de Granada.



Lo que si ta ye'l primer discu de Na Zona, que yá ta
grabáu, y va tar na cai en poco menos d'un mes. Los miembros del grupu
apostaron pola autoedición y autodistribución del so primer
trabayu discográficu. Esti cd amás vien apadrináu por un
nome de gran prestixu na música España como ye Andreas Prittwitz,
que dio conseyos al grupu y ta ayudándolos na edición d'esti
discu.