Asturies acueye'l IV Congresu Internacional "José Agustín Goytisolo"

"El rector de la Universidá d'Uviéu, Juan Vázquez, la conseyera de Cultura, Encarnación Rodríguez y el rector de la Universidá Autónoma de Barcelona, Lluis Ferrer, inaguraron esti martes a les 9.30 nel edificiu históricu de la Universidá'l IV Congresu internacional ""José Agustín Goytisolo"". Vazquez refirióse al conxuntu de poetas de la xeneración del 50, como les persones que ficieron por cambiar el poder personal y social de les persones con ""pallabres que golpien y pallabres que caricien"".

Asina mesmo, y dientro del mesmu actu, descubrióse la placa que col poema d'Ángel González ""Empleo de nostalgia"" fai alcordanza del propiu edificiu históricu nos versos ""cuando la primavera se instala en el culto jardín del rectorado"".

El IV Congresu Internacional ""José Agustín Goytisolo: Asturias entre versos"", sigue col llabor entamáu nos trés anteriores celebraos en Barcelona y organizaos dende la Cátedra Goytisolo de la Universidá Autónoma qu'empobina la escritora y catedrática Carmen Riera. Nesti casu, un grupu d'asociaciones culturales asturianes, en comuña cola Universidá d'Uviéu, ficieron por traer a Uviéu esti IV Congresu, magar de la rellación del propiu poeta con Asturies."