IX pide un papel na reforma del estatutu

Izquierda Xunida diz que nun va aceptar una reforma del Estatutu d'Autonomía que nun se negocie ente la coalición y el Partíu Socialista enantes de que se lleve a debate na Xunta Xeneral del Principáu. El coordinador de la coalición Javier Iglesias dio esta mañana una rueda de prensa específica pa falar sobre'l posicionamientu d'IX énte'l procesu de reforma del Estatutu d'Autonomía y les novedaes que tan produciéndose nel mesmu. Iglesias faló tamién del exemplu valencianu, onde los dos partíos mayoritarios n'España, PP y PSOE, pautaron la reforma. Ente los elementos a tener en cuenta nel estatutu valencianu y que tendríen d'aplicase a Asturies Iglesias refirióse a la oficialidá de la llingua autonómica. La definición de la comunidá como nacionalidá histórica, la posibilidá de disolución anticipada del parlamentu y la decentralización de competencies a los conceyos son otros puntos a treslladar a Asturies del alcuerdu valencianu según Iglesias

.

En cuantes al calandariu del procesu de reforma, Iglesias cuenta con qu'entame pa la seronda y se lleve dende'l Conseyu de Gobiernu un proyectu de llei de reforma a la Xunta Xeneral que tendría de tar preparáu a primeros del 2006 a muncho tardar. De cualquier manera, Iglesias manifestó que quier que se pieslle la reforma primero de qu'acabe la llexislatura.