Pastores del oriente acusen al llobu d'acabar col ganáu

Los ganaderos de los Picos d'Europa, que s'entrevistaron ayeri col diputáu del PP asturianu, Ovidio Sánchez, declararon que se sienten abandonaos polos sindicatos agrarios y declararon que la cabaña ganadera menguó en 5 años de les 11.000 a les 1.000 cabeces solo en conceyu d'Onís, una mengua de la que los ganaderos de Cangues d'Onís, Onís, Peñamellera Alta, Amieva y Cabrales culpen esclusivamente al llobu y a l'alministración asturiana, a la que culparon d'incumplir el plan de xestión de la especie. Los ganaderos llegaron a asegurar que de siguir asina les coses y nun desaniciase dafechu'l llobu de la cordal del Cuera, va llegar el día en que nun queden pastores nos Picos. Los ganaderos acusen tamién a los sindicatos agrarios COAG UCA y ASAJA por nun forzar a l'alministración a cumplir el Plan de Xestión, que según ellos acuta'l Cuera como "zona llibre de llobos".

Pela so parte, el representante parlamentariu de los populares asturianos, Ovidio Sánchez, dio-yos la razón a los ganaderos y declaró qu'esiste'l peligru de que'l llobu "empiece a atacar a les persones".