Asgaya, un miembru nuevu na escena folk

Na sesión d'esti domingu del Concursu de Folclor "Ciudá d'Uviéu" que va celebrase a les 11:45 nel Teatru Campoamor, va facer lla so estrena pública'l conxuntu folk "Asgaya".

Asgaya naz de la reunión ente Roberto Junquera, campeón del VII Concursu de Folclor "Ciudá d'Uviéu". Esti ex - director de la Banda de Gaites "Fonte Fuécara" y fundador del grupu folk Guxán de Lluz tien tamién un llau rockeru certificau cola so participación nel grupu Avalanch. Xunta elli faen esti conxuntu Ross Gala, titulada superior en Viola y Cantu y profesora del Conservatoriu de Xixón, Marco Rodríguez, tituláu superior en guitarra y arreglista en dellos discos de los artistes más variaos. Del grupu Hortolana vien a la formación d'Asgaya Rosa Temprano, cantante profesional y estudiante de la Escuela de Música de La Robla en Lleón, mientres que completen la formación David Adeva, alumnu del guitarrista de jazz Alfredo Morán y Sergio Álvarez , estudiante de xiblata y percusión de les Escueles de Música de Grau, Xácara y Llanera y antiguu miembro de Cántara Folk y la Bandina tradicional Doróu

Los miembros del grupu espliquen que trabayen sobre sobre temes populares de les tradiciones asturiana, gallega, irlandesa y bretona ente otres, faciendo ente tolos componentes les igües. Amás de facer esta puesta de llargo nel Campoamor el domingu, Asgaya tan metíos estos díes nos estudios Luna Music de Llanera, grabando los temes del que va ser el so primer álbum d'estudiu.