Los cincuenta de Chus Pedro

El cantante Chus Pedro cumple esti xueves cincuenta años. Pa celebrar esta fecha, el fundador de Nuberu va cantar el miércoles nel teatru de L'Entregu, el mesmu escenariu onde s'estrenare con Nuberu .

Pa que Nuberu diere la so primer actuación nel añu 1978, el mesmu Chus Pedro tuvo que poner del so bolsu les 4.500 pesetes que costaba d'aquella l'alquiler del teatru. Poques vegaes volvió a cantar Chus Pedro nesti escenariu, pero con motivu de los sos cincuenta años, l'artista quixo dase un caprichu y cantar pa los sos vecinos, esta vegada en solitario y presentando los temes del so últimu discu "De ñublu y orpín". Anque Chus Pedro quería facer el conciertu'l xueves, el teatru entreguín yá ta acutáu pa esi día. Ello nun va quitá-y un rispiu de celebración de cumpleaños a un conciertu que va srevir en cierta midida, de celebración de los 30 años del "Nuevu Canciu Astur" y de los trenta años que Chus Pedro lleva dedicaos a la música, amás de los cincuenta de la muerte del musicólogu Eduardo Torner. Chus Pedro aldovina que va llenar el teatru y diz que nun va quedar nadie fuera, faciendo doblete si fuere preciso.