Los universitarios protesten énte la reforma de les titulaciones

Los estudiantes van manifestase mañana xueves contra la supresión de titulos d'humanidaes que se cree que pue llevar arreyada la reforma universitaria.

La Federación d'Asociaciones Universitaries tien convocada pa mañana xueves a les 12 una concentración que va tener llugar éntel'Edificiu Históricu de la Universidá d'Uviéu na cai San Francisco. El motivu ye la protesta contra la reforma del Espaciu Européu d'Educación Superior, que los universitarios camienten que pue llevar a la desapaición d'un terciu de les titulaciones qu'esisten anguaño, sobremanera n'humanidaes,y a un encarecimientu de los estudios que va llevar a que namás puean tener estudios superiores los más favorecíos económicamente, llegando a falar de "privatización del enseñu superior".

La concentración de mañana va ser un pulsu más dientro de la campaña contra la reforma universitaria. Dase la circunstancia de que'l rector de la universidá D'Uviéu Juan Vázquez yeun axente clave nestiprocesu de reforma al ser tamién el presidente de la Conferencia de Rectores de les Universidaes Españoles, un cargu pal qu'amás ye l'únicu candidatu a la reeelección.