De Lorenzo almite la "derrota"

"El cabeza de llista de PP por Asturies, Gabino de Lorenzo, reconoció na nueche del domingu la so ""derrota"" y punxo la so carta de diputáu a disposición del partíu. "Al pan, pan y al vino, vino, hemos perdido", comentó l'alcalde d'Uviéu, matizando que foi una ""derrota honrosa"" al perder namás por cuatro puntos porcentuales respeuto al PSOE.

L'alcalde d'Uviéu, que nun almitió entrugues demientres que falaba énte periodistes y simpatizantes, dixo que dexaba l'analís y les valoraciones pa los sociólogos y ""les persones que saben d'eso"", recordando amás les pallabres de Felipe González cola frase ""en democracia, la derrota ye honrosa"".

De Lorenzo agradeció asina mesmo a los militantes y xuntes locales el so esfuerciu nuna campaña na que ""lluchamos pa tresmitir un mensaxe"" dende ""un partíu uníu"". Al empar comentó que quiciabis nun tuviera tiempu bastante pa ""desfacer la campaña que'l PSOE llevantara"" escontra la so persona, sobre manera faciendo referencia a los noyos de votantes principales del Partíu socialista, Xixón y les Cuenques. Sicasí comprometióse a trabayar y ""facer una oposición forme y lleal""."