Fargo lleva'l rock and roll a El Barucu

El grupu asturianu Fargo actua esta nueche nel local xixonés
El Barucu onde van amosar el so rock d'estremaes tendencies.



A partir de les 21:30 hores d'esta nueche de xueves vamos poder ver
l'actuación del grupu de rock and roll Fargo, que va
tocar n'El Barucu, conocíu de la cai almacenes de Xixón. Los miembros del
grupu nun tan precisamente acabantes de llegar al mundu de la música, y
caún d'ellos tien una llarga trayectoria musical per dellos grupos de
rock y pop asturianos. Por exemplu, dalgunos d'ellos son heriedes del
grupu de rock Whiskey Bar, mientres que'l teclista Ivan Lago formó parte
d'una esperiencia onírico-musical llamada Kung Fu y Adolfo, cantante, y
Nel, baxista, trabayen actualmente na orquesta Manhattan.



El repertoriu d´esti grupu presta abondo a cualquier averáu
al mundu del rock con temes que van desde los clásicos riffs d'Ac/Dc,
hasta'l glam rock, pasando per una riestra de temes propios con
sabor a rock sureño que faen d´esti grupu una promesa del rock
asturianu. Ta claro que la nueche tien traza de ser interesante, y qu'otra
vuelta la bona música en directo topó abellugu n'El Barucu.