Los inmigrantes asturianos cuenten facer una votación paralela

"L'Asociación d'Inmigrantes Residentes n'Asturies (AIRA), instalará esti domingu 9 de marzu una urna nel mercáu d'El Fontán d'Uviéu, pa facer una consulta sobre la igualdá de derechos y deberes pal Colectivu Inmigrante, coincidiendo cola celebración de les elecciones xenerales. La votación va tener llugar dende les 12.00 hores nel rastro del Fontán y la entruga que planteguen los participantes nesta votación simbólica ye: ""¿ta d'alcuerdu cola igualdá de derechos y deberes del colectivu inmigrante?"".

Los responsables d'AIRA señalaron que si viven, trabayen, paguen impuestos y aporten el so esfuerzu pa qu'España salga alantre, quieren y deben tener el derechu a votar n'ella. ""en democracia nun pue haber ciudadanos de primera y de segunda en función de la so naciencia"". Al empar quexáronse de que, hasta'l momentu, la inmigración tea usándose como ""arma"" nel alderique políticu a nivel nacional, y esperen que los inmigrantes entamen a tar lo bastante organizos como pa que los políticos tengan que sentilos."