DRD toca en Xixón los cantares del so discu nuevu

Mañana xueves día 5 el tríu folk DRD va actuar
en Xixón, ellí van facer los temes del que va ser el so primer
discu.



El grupu formáu por Diego Pangua cola xiblata travesera,
Rubén Bada col bouzouky y Dolfu Rodríguez nel vigulín va
actuar mañana nel Café Trisquel de Xixón a eso de les
21:30 hores. Ellí van tocar los cantares d'un discu que yá ta
grabáu, anque esta selmana inda tuvieron amestando dalgún tema
más d'última hora. Nun sabemos fecha fixa pa la
espublización d'esti trabayu, asina los aficionaos al folk vamos tener
que conformanos con sentir en directo la gran calidá técnica y
estilística d'esti grupu.