Trés manifestaciones nel 1 de mayu en Xixón

Trés manifestaciones sindicales distintes van celebrase en Xixón con motivu del primeru de mayu, día del trabayu. D'una parteles centrales mayoritaries CCOO y UXT, d'otra los sindicatos minoritarios CSI, CXT y SUATEA, y d'otra la central anarquista CNT van tomar la ciudá de Xixón a distintes hores a lo llargo del día de mañana

La marcha de CCOO y UXT, que tien por reivindicaciones centrales les de mayor estabilidá nel emplegu, facer una Europa más social y la defensa de la industria asturiana, va salir a les 12 del Campu Valdés, rematando en Paséu de Begoña, mientres que la de los minoritarios, baxo'l llema "desmantélennos Asturies y la Mocedá tien qu'emigrar" sal a la mesma hora de la Plaza l'Umedal. Pela so parte la CNT fai la so convocatoria independientemente, y esta va dir per delles cais del Natahoyo pa rematar nos Xardinos de la Reina.