Suatea convoca unes Xornaes sobre Llingua y Educación

"El sindicatu d'enseñanza SUATEA, cuenta organizar nos díes 4 y 5 d'abril nel Antiguu Institutu de Xixón, les ""I Xornaes sobre Llingua y Educación"". El sindicatu quier qu'esti puntu d'alcuentru valga pa ""valorar la situación de la nuestra llingua nel contestu de les llingües del estáu"", asina mesmo espresa'l so compromisu porque les xornaes seyan ""series, pero tamién entreteníes polo que s'abordarán tanto temes teóricos como práuticos en ponencies, meses redondes y meses d'esperiencies"".

La primer mesa redonda xirará al rodiu de Los Derechos Llingüísticos nel Marcu Européu y nel Estáu Español. Asina mesmo la segunda afondará nel papel de la sociedá na defensa d'estos drechos, pa siguir col tratamientu de temes como la rellación ente Política Llingüística y Educación y la formación del profesoráu na llingua vernácula oficial. Pa finar el sábadu 5 d'abril, van ponese sobre la mesa les esperiencies concretes del profesoráu de les escueles y los IES."