Xeira propón nomes en gallego-asturianu

L'asociación de defensa del gallego-asturianu asoleya una campaña pa que los eonaviegos-yos pongan només de la tierra a los sos fíos.

¿Xa pensache como ye has chamar? Con esta entruga directa ye como se presenta la última campaña de Xeira. L'asociación de defensa de la fala eonaviega pretende facer un llamáu a que los padres de la fastera-yos pongan nomes en gallego-asturianu a los sos fíos, pa lo qu'amás nel cartafueyu en que se presenta la campaña apurren un bon llistáu de nomes . Formes eonaviegues como Llouguís (el Lluis Asturianu) Xuaquín, Bras, Crementina, Malia o Xuyán son delles de les que propón l'asociación, que tamién convida a quien quiera camudar el so nome pola forma equivalente en gallego-asturianu, pa lo que namás ye preciso acudir al rexistru civil con fotocopia del DNI y de la partida de nacimientu xunta con un certificáu d'equivalencia de la forma orixinal del nome y la equivalente en gallego-asturianu qu'espide la secretaría del Navia-Eo de l'Academia de la llingua o la Oficina de Política Llingüística del Principáu d'Asturies.

Xeira esplica-yos a los padres del Navia-Eo qu'hasta hai unos años, la llei nun daba permisu p'auntar a los fíois con nomes en castellanu, pero que dende va un tiempu yá ye posible pone-yos a los rapacinos na llingua que se quiera.