Fin de campaña marcáu pol terrorismu

"L'últimu día de campaña enantes de la xornada de reflexón, queda marcáu pol asesinatu del conceyal socialista Isaías Carrasco. Alvaro Cuesta, cabeza de llista del PSOE por Asturies, aprovechaba esta mañana pa facer un llamáu a la participación ciudadana nes urnes, escontra la estratexa del PP del ""divide y vencerás"". El Partíu Socialista anunciaba dempués del tráxicu socesu la so intención de suspender los actos previstos pa esti fin de campaña como midida de protesta pol actu terrorista. Pela so parte'l Partíu Popular tamién anula'l mitin-espectáculu d'esta tarde por considerar que taría fuera de llugar. En cuenta'l cabeza de llista al Congresu, Gabino de Lorenzo, tien convocada una rueda de prensa nel mesmu Auditoriu onde diba a tener llugar la representación.

D'otru llau la cabeza de llista d'IX-BA-LV, Laura González, que declaraba esta mañana tar ""plenamente convencida"" de qu'IX recuperaría l'escañu que perdiera nes elecciones del 2004, criticó duramente los actos de la banda terrorista ETA calificándolos de ""fascistes"". González aseguró qu'énte'l terrorismu "" tolos demócrates tenemos que ser un bloque monolíticu"""