Entama l'Intersecciones 2005

L'actuación del grupu Hood en Centru Cultural Caxastur d'Uviéu abre'l programa del festival Intersecciones 2005, un certame organizáu por Caxastur y nel que van poder vese a un total de venti grupos que van repartir les sos actuaciones ente siete ciudaes asturianes d'equí al mes de mayu.

El grupu Hood, que fai un mecigayu de pop, música electrónica y hip hop, ye l'encargáu d'abrir l'Intersecciones 05 n'Uviéu, pero ensin dulda l'atracción conmás ganchu nel cartel va ser la de los alemanes Einsturzunde Neubatten, un títulu que pue traducise como "estrapayando edificios nuevos". Con 25 años de carrera tres d'ellos, los padres de la vanguardia y del rock industrial, que dieren el so primer conciertu ensin instrumentos machacando bidones y planches de fierro a martillazos van tocar mañana 13 d'abril nel Pabellón d'Asturies de la Feria de Muestres de Xixón presentando los temes del so últimu discu "perpetuum mobile" xunta clásicos de los sos discos más conocíos como "1/2 mensch"

Les actuaciones siguen el día 14 con The Russian Futuris y el 19 con The Sunday Drivers n'Uviéu. El grupu asturianu de funk toquen el 22 na Casa de la Cultura de Pravia, mientres que'l baxista Mike Watt toca'l 28 n'Uviéu y Los Bruscos el 29 na Pola Siero, quedando pal mes de mayu les actuaciones de Matt Elliott, Astrella Celeste o Xabel Vegas y Las Uvas de la Ira ente otros.
Más información na web de la Obra Social y Cultural de Caxastur