Dimite Xosé Manuel Beiras

El líder históricu del Bloque Nacionalista Galego, Xosé Manuel Beiras, ta acabante de presentar la so dimisión del cargu que tenía como presidente del Conseyu Nacional del Bloque Nacionalista Galego,al empar qu'arrenuncia públicamente a figurar nes llistes de la coalición de partíos galleguistes nes próximes elecciones al parlamentu gallegu.

La decisión de Beiras, de 69 años, conocióse nuna carta empobinada al voceru nacional del BNG Anxo Quintana. Nella, Beiras amuesa les sos diferiencies col restu de la directiva del BNG y pon la polémica pola composición de les llistes electorales del BNG como puntu ensin torna posible que lu llevóa tomar esta decisión. Ello ye que les asamblees comarcales del BNG refugaren a lo llargo de les últimes selmanes les propuestes de llista electoral del históricu líder del BNG, que pretendía ser otra vuelta'l candidatu de la formación nacionalista, que pasa per una crisis interna a la que pel momentu nun se-y ve traza d'igua.
Más información en Vieiros