La economía asturiana foi la que menos creció na década última

Asturies foi la comunidá autónoma que tuvo un menor crecimientu real de la so economía nel deceniu 1995 - 2004, nel qu'Asturies creció a una media del 2,2 por ciento al añu contra una media del 3,3 que ye la media española.

Según espeya l'informe "Contabilidá Rexonal d'España", qu'asoleya l'Institutu Nacional d'Estadística nel últimu exerciciu, el crecimientu de la economía asturiana quedaría nel 2 por cientu, una xuba que namás supera la que rexistraon les Baleares (1,7%) mui dañaes pola crisis dl sector turísticu y nun añu en que la media española foi del 2,7%. Anque Asturies quedó a siete d'ecimes de la cifra estatal, ye de reseñar qu'esti foi'l meyor resultáu de la economía del país nos 10 años últimos. Estos diferenciales d'ente siete y ocho décimes ente'l PIB asturianu y l'español vienen dándose a lo llargo de tola década, tolo contrario que lo qu'asocede n'autonomíes como Navarra, que l'añu pasáu tuvo una xuba del so PIB del 3,4 por cientu. Otrasmiente, el 2004 foi un añu atípicu nel qu'Andalucía y Galicia tamién presentaron crecimientos mui altos del so PIB

D'otra manera, los datos del INE vienen a empeorar les previsiones del informe Hispalink, qu'ellaboren grupos venceyaos a les universidaes. Según Hispalink, Asturies diba tener menos PIB que la media estatal, pero diba allegase más a esta, concretamente hasta un 2,4%.

Acordies con ello y coles proyecciones estadístiques de la oficina europea Eurostat pa los 25 estaos de la Unión, el PIB per cápita promediu p'Asturies nel periodu 2000-2002 quedó nel 79,3 por cientu de la renta media comunitaria (un 82,3 por cientu provisional nel 2003). Con esto, l'INE da anuncia de quAsturies pierde como yá ye sabío, la condición de "Rexón Oxetivu 1" dientro de la UE por culpa del "efectu estadísticu" que provoca l'ampliación de la UE a diez países nuevos toos ellos con rentes más baxes que los quince estaos qu'iguaben la UE hasta'l 2004. Murcia tamién pierde esta condición, pero mientres la economía asturiana sigue ensin esconsoñar, Murcia presenta un crecimientu calteníu dende va diez años p'acásuperior a la media española.
Ver equí l'informe del INE