Xuntanza de panderetes en Santu Adrianu

Esti fin de selmana celébrase en Santu Adrianu la I Xuntanza de pandereta tradicional d'Asturies ya Galicia. Nesi conceyu del centru d'Asturies van xuntase dos grupos de pandereteros y pandereteres d'Asturies y Galicia.

El sitiu de la xuntanza de panderetes va ser l'albergue El Sabil nel conceyu de Santu Adrianu, qu'entama davezu esti tipu d'alcuentros musicales y conciertos. Ellí, la nueche d'esti sábadu 9, va tocar a eso de les 23:00 hores el grupu gallegu "O Tear de Llerena", un colectivu interesáu na investigación de la tradición oral gallega y nel so espardimientu. Por Asturies van tar les panderetes de "D'escarpinos", músicos los más d'ellos d'Uviéu que tamién faen un doble llabor d'investigación y espardimientu. Dempués de les actuaciones va haber xuntanza llibre de músicos pa que la música dure hasta bien tarde.