Delles ONG ponen el marcha la campaña "Muévete pola Igualdá"

"La campaña ""Muévete pola Igualdá, ye de Xusticia"", formada poles ONG ""Ayuda en Acción"", ""Entreculturas"" ya ""Intered"", denunció esti miércoles que'l 87% de les españoles que trabayen fuera asumen tamién les xeres de la casa, amosando amás que ""a nivel mundial los datos son tovía peores"".

""En toa España la metá de la población ye femenina, pero por embargu esti añu - como toos - nel nuestru panorama eleutoral malpenes apaecen candidates femenines a la presidencia del gobiernu. Nun ye casualidá yá que nel 2005 les muyeres en puestos de responsabilidá política nel mundu namás representaben un 5% y la participación nos diferentes parlamentos nun algamaba siquiera'l 16%"" denunciaron les organizaciones pente medies d'un comunicáu.

A nivel internacional y de magar la ""creciente concienciación y movilización de les muyeres en tol mundu y de la bayura d'iniciatives que protagonicen, los datos amuesen la precariedá qu'inda tienen les más delles"", porque ""el 70% de les persones probes son muyeres, lo que supón dos tercios les persones analfabetes que pesie a producir el 80% de los alimentos, namás son dueñes del 1% de la tierra"" esponen les ONG.

La campaña ""Muévete pola Igualdá"" denuncia asina mesmo la revisión del cumplimientu de la Plataforma de Beijing y de los Oxetivos de Desarrollu del Mileniu ""nos que s'amuesa lo lloñe que tamos d'algamar una igualdá real ente homes y muyeres"" polo que-y piden al gobiernu español que salga de les urnes el 9 de marzu, un cumplimientu rigurosu de los compromisos internacionales roblaos."