La Xunta Electoral almite les papeletes de votu n'asturianu presentaes por Andecha Astur

La Xunta Electoral Provincial homologó les papeletes electorales de la formación Andecha Astur, que presentare un modelu de papeleta pal votu redactáu n’asturianu dafechu. La formación política valoró l’alcuerdu de la Xunta Electoral como 'históricu” ya que “supón un avance nel reconocimientu de los derechos llingüísticos d’un pueblu que por primer vegada na historia podrá votar n’asturianu'. L’almisión de les papeletes que reparte AA sienta precedente pa que más candidatures puean facer lo mesmo, anque’l partíu políticu alvierte que “les papeletes que s’alcuentren puestes d’oficiu nes meses el día 9 van siguir redactaes en castellanu”. Andecha Astur enfótase en qu’esto puea cambiar en próximes convocatories electorales.