Rafael Palacios acusa al PSOE de ser el partíu más "antiasturianista"

"Rafael Palacios, voceru nacional de Bloque por Asturies manifestó, nuna rueda de prensa na que tuvo acompañáu de la cabeza de llista d'IX-BA-LV, Laura González, la necesidá de vindicar la so candidatura como la ""verdadera izquierda asturianista"". Acusando asina mesmo al FSA-PSOE de ser el partíu más ""antiasturianista"" de los que se presenten, ficiendo burlla coles declaraciones de Gabino de Lorenzo en defensa de la llingua y cultura asturianes, ""tres de Gabino de Lorenzo tán Rajoy, Zaplana y Acebes, que poco tienen que ver col asturianismu d'izquierdes"" dixo, recordando que l'Ayuntamientu d'Uviéu nun tien nenguna oficina de normalización llingüística.
Pela so parte, Laura González pidió-yos a les mocedaes d'Asturies qu'amosaren el so ""espíritu de llucha"", votando a una coalición que dende'l so puntu de vista ""lluchará ensin cuartel"" en Madrid pa defender los sos intereses no que cinca al trabayu y la vivienda.
Asina mesmo la candidata d'IX-BA-LV dixo que'l PSOE remana una ""mayoría afitada"", polo que ye perimportante qu'IX tenga una mayor representación nel congresu. Nesti sen, dixo que los votantes tendrán de ""soportar"" estos díes los ""cantos de sirena"" de los socialistes pidiendo'l votu útil, ""será un votu útil, pero namás pa ellos"" sorrayó."