Nosoträsh espublicen discu nuevu en mayu

Nosoträsh van espublizar el so esperáu cuartu discu, "Cierra la puerta al salir", nel mes mayu.

Nesta ocasión la producción foi cosa del músicu xixonés Pedro Vigil (ex-componente de "Penelope Trip" y cabeza pensante de "Edwin Moses" y "Vigil"). El discu grabóse en Xixón, ensin prieses, p'asegurar un perfectu resultáu acordies colo que prentende'l grupu pop femenin nesti nuevu trabayu discográficu. De la portada del cd, como ya ye vezu en "Nosoträsh", encargóse Pedro Balmaseda. Pa "Nosoträsh" esti va ser el so cuartu discu depués de sacar en 2002 "Popemas", y anque tovía nun hai fecha pal llanzamientu d'esti "Cierra la puerta al salir", ye de xuru qu'esta primavera vamos poder sentir yá los nuevos cantares del pop fresco d'esti grupu asturianu. Dende'l grupu entovía nun s'adelantó nada sobre les lletres nin los posibles cambeos d'estilu que puedan rexistrase nesti trabayu sobre otros anteriores, anque too apunta a la continuidá.