La manifestación del sábadu, a Conceyu Abiertu

Les primeres valoraciones feches dende les organizaciones convocantes de la marcha cívica que'l sábadu recorrió Uviéu en demanda de la oficialidá nel estatutu concueyen en sorrayar l'ésitu de la manifestación. A falta d'una valoración oficial definitiva que seguramente va dase a conocer esta selmana, persones conactaes a títulu individual por esti mediu dientro de les organizaciones presentes nel CAO celebraben l'ésitu de la convocatoria y la so repercusión mediática, acaparando les portaes de los principales periódicos escritos del país y llegando en dalgunos casos a repercutir en medios d'ámbitu estatal. Munchos de los organizadores concueyen ensorrayar qu'esta convocatoria dio un reblagu a la situación en que s'alcontraba la reivindicación del asturianu, metiendo'l tema n'axenda política dafechu forzando a un mayor compromisu por parte de tolos axentes favorables a la oficialidá.

N'Asturies.com queremos consultá-yos a los nuestros llectores la so opinión sobre'l significáu y trescendencia d'esta manifestación al traviés del Conceyu Abiertu.