Rouco Varela, nuevu presidente de la Conferencia Episcopal

"El cardenal arzobispu de Madrid, monseñor Antonio María Rouco Varela, foi finalmente escoyíu nuevu presidente de la Conferencia Episcopal Española (CEE) pal trieniu 2007-2009, na votación celebrada na ""XCI Asamblea Plenaria del Episcopado"", aconceyada na Casa de la Ilesia de Madrid. El cardenal conviértese asina nel primer ex presidente del Episcopáu que torna a ser cabezaleru de los obispos. Rouco-y quita la presidencia de la CEE al hasta'l domingu presidente de la mesma, l'Obispu de Bilbao, monseñor Ricardo Blázquez, que nun tuvo'l sofitu de los obispos, frañando cola so decisión la tradición de reelleción que funciona na Casa de la Ilesia dende 1969.

El cardenal Rouco Varela yá tuvo al frente de los obispos dende 1999 a 2005, añu nel que garró'l relevu monseñor Blázquez, escoyíu na tercer votación con 40 de los 76 votos emitíos. Rouco quedó namás a un votu del so tercer mandáu, pa lo que necesitaba dos tercios de los 76 eleutores."