El Centru Asturianu de Mallorca celebra la so selmana grande

"El Centru Asturianu de Mallorca celebró esti fin de selmana'l XVIII Alcuentru de Cases y Centros Rexonales cola presencia de los sos socios asina como representantes del Gobiernu Asturianu y Balear. Ente ellos el presidente del Govern de les Illes Balears, Francesc Antich, la presidenta del Consell de Mallorca, Francina Armegol, o'l viceconseyeru de Seguridá, Emigración y Cooperación al Desarrollu del Principáu d'Asturies, Valentín Ruiz.

Amás de los representantes institucionales, que tuvieron oportunidá de falar sobre la posible collaboración nel remocique del vieyu centru social, acudieron al stand unes 3.000 persones que pudieron disfrutar de les 1.000 botelles de sidra repartíes, amás de los 40 quilos de bollos preñaos, los 20 quilos de quesu Cabrales y los 500 tocinillos de Grau.

Rubén Llamas, representante de la Mocedá del Centru Asturianu, espresó'l so deséu de qu'esti tipu d'actos llamen l'atención sobre les inversiones nos centros asturianos y la necesidá d'un compromisu concretu col Centru Asturianu de Mallorca, instalación que tien ""un horru del sieglu XVIII tresportáu pieza a pieza polos primeros socios pa sentise más en casa"" y qu'anguaño ta nuna situación ""ruinosa y abandonada pola alministración""."