El Conceyu de L.lena pide que s’enxerte la oficialidá na reforma del estatutu

El plenu del Conceyu de L.lena aprobó ayeri una moción que presentare'l grupu municipal d'Izquierda Xunida - Bloque por Asturies por trámite d'urxencia y que posiciona al conceyu al favor de l'enxertamientu de la oficialidá na reforma del estatutu d'autonomía. La moción contenía otros dos puntos amosando l'apoyu del conceyu a la manifestación al favor de la oficialidá convocada pa esti sábadu y llamando a la participación nella de los ciudadanos l.lenizos, pero estos dos puntos retiráronse por considerar que dende l'ámbitu institucional nun se podía facer esti tipu de convocatoria.

La moción aprebada finalmente colos votos al favor de los siete conceyales del PSOE, los cinco de IX-BA y l'edil de PAS-URAS y colos votos a la escontra de los conceyales del PP reconoz el pasu importante que supunxo l'aprobación del plan de normalización y fai una petición oficial dende'l conceyu de L.lena pa que la llingua se reconoza como oficial na próxima reforma del estatutu